ନୂଆଦିଲ୍ଲୀ- ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଲୋକସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 400 ପାର୍ ଲକ୍ଷ୍ୟର ଆହ୍ୱାନ ସହିତ ଆଜି ମଧ୍ୟପ୍ରଦେଶ ଓ ମହାରାଷ୍ଟ୍ରରେ ପାର୍ଟିର ଜନସଭାକୁ ସମ୍ବୋଧିତ କରିବେ । ବିଜେପି ପକ୍ଷରୁ ଏକ୍ସ ହ୍ୟାଣ୍ଡେଲରେ ଏହି ସୂଚନା ଦିଆଯାଇଛି ।
ବିଜେପି ପକ୍ଷରୁ କୁହାଯାଇଛି ଯେ, ନଡ୍ଡା ପୂର୍ବାହ୍ନ 11ଟା ବେଳେ ମଧ୍ୟପ୍ରଦେଶରେ ସିଧିର ବହରୀ ସିଂହାବତରେ ଜନସଭାକୁ ସମ୍ବୋଧିତ କରିବେ । ଏହାପରେ ଦ୍ୱିପ୍ରହର 2.30ରେ ଛନ୍ଦୱାଡାର ଦଶହରା ପଡିଆରେ ଜନସଭାରେ ସାମିଲ ହେବେ । ସନ୍ଧ୍ୟାରେ ସେ ମହାରାଷ୍ଟ୍ରରେ ପହଂଚିବେ । ଏଠାରେ ଅପରାହ୍ନ 4.50ରେ ଗୋନ୍ଦିୟାର ସର୍କିଲ ମୈଦାନ ଭଣ୍ଡାରାରେ ଜନସଭାକୁ ସମ୍ବୋଧିତ କରିବେ ।